Rikthehet ambasadorja e SHBA-së dhe stafi diplomatik në Kiev
Rikthehet ambasadorja e SHBA-së dhe stafi diplomatik në Kiev
8 MAJ 2022
Ambasadorja në detyrë e SHBA në Ukrainë, Kristina Kvien dhe një grup diplomatësh amerikanë u kthyen në ambasadën në Kiev këtë të diel për herë të parë që nga fillimi i luftës më shumë se dy muaj më parë.
Ambasada e SHBA në kryeqytetin ukrainas u mbyll në mes të shkurtit pasi shqetësimet u rritën për veprimet ushtarake ruse.
Në fund të prillit, gjatë një vizite në Kiev, Sekretari i Shtetit Antony Blinken njoftoi se SHBA do të kthejë diplomatët në Ukrainë.
Kvien dhe diplomatët e tjerë amerikanë u kthyen në Kiev në Ditën e Fitores në Evropë, një ditë para Ditës së Fitores së Rusisë, dhe në të njëjtën ditë kur Zonja e Parë Jill Biden bëri një vizitë të papritur në Ukrainë.
Gazeta Sot